Agjencia e lajmeve Kosovanews kosovanews.info
Kuvendi i Kosovës seancën e së enjtes e filloi me shprehjen e ngushëllimeve për familjen Olldashi, Parlamentin shqiptar, Partinë Demokratike dhe gjithë qytetarët e Shqipërisë.
Në emër të Grupit parlamentar të Lidhjes Demokratike të Kosovës, Sabri Hamiti shprehu ngushëllimet, derisa vlerësoi lart kontributin e Sokol Olldashit në proceset që kaloi Shqipëria.
Ngushëllime për familjen dhe gjithë popullin shqiptar kanë shprehur edhe Adem Grabovci i PDK-së, Ardian Gjini i AAK-së, Visar Ymeri i VV dhe deputetë të tjerë të cilët thanë se kontributi i Olldashit ka qenë i pazëvendësueshëm në ndërtimin e shtetit shqiptar dhe në proceset që kaloi Shqipëria.