Agjencia e lajmeve Kosovanews kosovanews.info
Përveç se nuk do t’iu hiqet centi nga të ardhurat mujore, pavarësisht faktit pse këmba e tyre nuk ka shkelur në ndërtesën e Kuvendit të Kosovës për më shumë se një muaj, ligjvënësit do të shpërblehen edhe me mëditje për bojkotimin e seancave plenare dhe për pak angazhime që kanë pasur nëpër komisionet parlamentare.
Rregullat Kuvendit nuk parashohin masa sanksionuese, sidomos në pagë nëse deputetet nuk shkojnë në vendin e tyre të punës( Kuvend), por vetëm në rastet kur ata mungojnë gjashtë muaj rresht.
Andaj, ligjvënësit pa e prishur rehatin e tyre dhe gjithnjë duke i shërbyer partisë në këtë kohë fushate zgjedhore nga arka e shtetit do të paguhen me paga të plota, madje edhe ata deputetet që janë kandidatë për kryetar komunash për dallim nga shërbyesit civil të cilit për dy muaj do të dënohen për shkak të përfshirjes së tyre në listat zgjedhore.
Buxheti do t’i kursente së paku 180 mijë euro
Sikur të ekzistonte një rregull që do t’i ndëshkonte deputetet, të cilët mungojnë një muaj në vendin e tyre të punës (Kuvend), atëherë buxheti i shtetit në këtë rast do t’i kursente hiç më pak se 180 mijë euro vetëm nga pagat bazë të 120 deputeteve sa numëron Legjislativi, pa llogaritur këtu punën nëpër komisione dhe benificionet tjera, shkruan Zëri