Lamtumirë Benitez?

Gjatë ditës së sotme Real Madridi pritet edhe zyrtarisht ta shkarkojë Rafa Benitezin
Portali Goal.com ka bërë të ditur se aventura e Rafa Benitezit me Real Madridin ka përfunduar në vërshëllimën e fundit të gjyqtarit në barazimin prej 2:2 ndaj Valencias.

Javën e kaluar, drejtori sportiv i Realit, Emilio Butragueno mbrojti Rafa Benitezi duke thënë se ai është trajneri i duhur për Los Blancos.

Por duket se barazimi ndaj Valencias ishte kulmi dhe tani gjithçka ka ndryshuar. Butragueno nuk e ka të njëjtin mendim si ditë më parë. Kur është pyetur për të ardhmen e Benitezit, Butragueno ka hezituar të përgjigjet.

“Mendoi se ekipi bëri lojë shumë të mirë. Edhe me 10 lojtar dhuruam paraqitje të mirë, kjo është një shenjë pozitive”, kjo ishte përgjigjja e Butraguenos duke hezituar që të flas për të ardhmen e Benitez.

Pikërisht kjo deklaratë e drejtorit sportiv të Realit ka lënë të kuptohet se e kanë humbur krejtësisht besimin në Benitezin dhe se nuk do ta mbrojnë më spanjollin. Sipas Goal.com pothuajse çdo gjë ka përfunduar, shkarkimi i Benitezit është vetëm çështje kohe deri në zëvendësimin ideal të spanjollit.