Lëvizja Vetëvendosje: I bëjmë thirrje Policisë së Kosovës që menjëherë t’i lirojë 9 të arrestuarit

Lëvizja Vetëvendosje përmes një komunikate për media ka bërë të ditur se 12 aktivistë po vazhdojnë të bahen në arrest.

Vetëvendosje në këtë komunikatë i ka bërë thirrje Policisë së Kosovës që ti lirojë menjëherë të gjithë aktivistët e opozitës.

Komunikata e LVV:

Aktivistët e arrestuar në mbrëmjen e 12 tetorit po vazhdojnë të mbahen në arrest nga Policia e Kosovës.

Pushteti po i shton masat e sigurisë brenda Kuvendit ashtu që me forcë ta shtypë vullnetin e deputetëve opozitarë e t’i hapë rrugë “Zajednicën”, dhe paralelisht po i mbanë të arrestuar aktivistët për veprimin e tyre politik legjitim.

I bëjmë thirrje Policisë së Kosovës që menjëherë t’i lirojë 9 të arrestuarit, dhe ndalet së bëri argatin e Qeverisë për shkak se veprimet e tilla arbitrare veç sa e tensionojnë edhe më tutje situatën.