Limaj në Gjakovë :Kjo nuk është demokraci, koalicioni aktual po e dhunon shtetin

Ndër temat për të cilat është folur në këtë takim të NISMA-së në Gjakovë ishin zhvillimet aktuale në Kosovë, roli i NISMA-së në këto zhvillime si dhe çështjet organizative të NISMA-së etj.

Kryetari Limaj në këtë takim tha se, Gjakova është një nga vendet më meritore për lirinë të cilën ne e gëzojmë sot.
Sot, ne do donim dhe do të duhej të bisedonim për të arriturat e këtij vendi, por fatkeqësisht aktualitetet me të cilat po ballafaqohet vendi ynë janë jo të këndshme, janë gati të njëjtat me të cilat ballafaqohemi qe 15 vjet pas luftës, tha Limaj.

Limaj tha se pas fushatës zgjedhore më shumë mashtrime të PDK-së dhe LDK-së, e që kishin vetëm një objektiv, marrja e votës prej qytetarëve, nuk kemi ndryshim në jetën tonë familjare. Nuk ka vende të reja të punës siç kishin premtuar, nuk ka perkujdesje shëndetësore, nuk ka përmirësim as në arsim, administratë, ekonomi, askund, që në një qeverisje normale së paku do të shihej përpjekja për përmirësime.

Që një vit ky koalicion është marrë vetëm me dy çështje për të cilat edhe është bërë ky koalicion, Gjykata Speciale dhe bisedimet me Serbinë.

Sa i përket rolit tonë në këto zhvillime, NISMA çdoherë ka kërkuar që të nxirren koncensuse për tema nacionale, por ky koalicion aktual nuk na kanë thirrur asnjëherë, tha kryetari Limaj.

Ne i kemi kërkuar koalicionit që të mos frikësohen nga opozita, sepse armiku më i madh i tyre është arroganca e tyre duke u thirrur dhe vepruar në “fuqinë e numrave”.

Qeveria nuk ka të drejt të vendos për diçka të cilën nuk ia ka dhënë mandatin populli. Nuk mund të vendoset për fatin e popullit të Kosovës pa e marrë pelqimin e popullit për këtë punë, tha Limaj.

Sa i përket marrëveshjeve të fundit, kryetari Limaj tha se, ata të cilët me entuziazëm po mbrojnë marrëveshje të tilla, të dëmshme për Kosovën, kanë vetëm interesa personale dhe sepse janë të shantazhuar.

Konsiderojmë se kjo që po bën Qeveria nuk është demokraci. Kjo është logjikë e dhunimit të shtetit, popullit dhe të ardhmes së gjeneratave të reja, tha Limaj.

Kryetari Limaj tha se, NISMA për Kosovën nuk mundet të hesht dhe të mbështet diçka që është kundër interesit të Kosovës, prandaj jemi rreshtuar aty ku jemi, për të mbrojtur interesin e vendit tonë, sepse këto marrëveshje të kësaj Qeverie do të rezultojnë në ndarjen etnike të Kosovës, duke formalizuar dhe legalizuar ndikimin politik të strukturave ilegale të Serbisë mbi një pjesë të territorit të Kosovës, që nuk është në interes as të shqiptarëve e as të serbëve. Poashtu edhe marrëveshja për demarkacion me Malin e Zi ia humb Kosovës mbi 10 mijë hektarë të territorit. Këto për Nismën dhe për opozitën janë të papranueshme. Kjo që po ndodh, nuk do duhej të ndodhte sepse Kosova ka përfunduar kompromiset me Serbinë që me Pakon e Ahtisarit.

Është mirë dhe duhet që për çështjet madhore e nacionale të pyetet populli. Nëse qytetarët përmes referendumit vendosin që kjo marrëveshje është e pranueshme, atëherë edhe ne si opozitë do ta pranojmë, tha në fund të takimit kryetari i NISMA për Kosovën, Fatmir Limaj.

Në këtë takim ka folur edhe kryetari i kësaj dege, Fazli Hoxha, që gjithashtu temë diskutimi kishte zhvillimet aktuale në vend. Hoxha tha se NISMA në Gjakovë e mbështet rolin që po luan NISMA në këto zhvillime politike.

Në fund të takimit është folur edhe për çështje tjera organizitive të NISMA për Kosovën në Gjakovë