Makina përplaset me një motor, humb jetën një 33-vjeçar

Një 33-vjeçar ka humbur jetën pasditen e sotme në Elbasan, pasi motori me të cilin udhëtonte është përplasur me një automjet.

Burime nga policia lokale bëjnë të ditur se aksidenti ka ndodhur pranë fushës së Loparit, ndërsa viktima është identifikuar si Gjergj Panxhi.

Sipas policisë, motori me të cilin udhëtonte Panxhi është përplasur me një “Benz” me targë EL 6743 B, që drejtohej nga shtetasi me iniciale B.SH.

Momentalisht nuk dihen shkaqet e aksidentit, ndërsa policia po punon për të zbardhur ngjarjen e rëndë.