Lajmet e fundit
Masakrohen pyjet, inspektorët në “gjumë”

Masakrohen pyjet, inspektorët në “gjumë”

Zona e Jezercit ka filluar të masakrohet nga prerja e paligjshme e pyjeve. Ky fenomen e prerjes së pyjeve në mënyrë të paligjshme jo vetëm përgjatë verës por edhe tani me një ritëm të paparë ka vazhduar kur temperaturat kanë filluar uljen

Vetë banorët e kësaj ane pranojnë këtë fakt duke thënë se pikërisht nga Nerodima ka filluar të shfaqet kjo dukuri. Teksa në disa pjesë të Kosovës drunjtë ngarkohen me kuaj, këtu në pikë të ditës ngarkohen me traktorë pa targa, e disa edhe me targa të paraluftës “KSAK” dhe me furgon, e në disa raste edhe me traktor me rimorkio të kamufluar anash. Vetëm gjatë vikendit të kaluar çdo gjysmë ore kanë qarkulluar makina të mbushur plot dru.

Madje këtë zanat janë duke ia mësuar prindërit fëmijëve. Këto prerje ilegale kanë masakruar kurorën e gjelbër të kësaj pjese piktoreske në të cilën janë hapur mjaft restorante,ka filluar ndërtimi i një parku dhe po asfaltohet rruga për të pasur më të lehtë qarkullimin banorët por edhe vizitorët që dëshirojnë të kalojnë një ditë vikendi në këtë pjesë të bukur. Por për çudi dora e shtetit nuk është duke u ndier ndaj këtij fenomeni negative dhe të shëmtuar. Sharat vazhdojnë të jenë zot mbi pyjet teksa pa reshtur dëgjohen.  Policia e shtetit përgjatë një dite qëndrimi në këtë pjesë të gazetarëve të standardi.info nuk janë parë edhe pse një nga arsye mund të jetë mbajtja e rendit në trafik për shkak të punimeve që po vazhdojnë në rrugë nga Nerodima në drejtim të Jezercit.  Në vitin e parë të pasluftës ka qenë e vështir të depërtosh një metër në këto pyje me lloj lloj drujsh dhe pisha që jepnin bukuri dhe freski ndërsa tani me lehtësi mund të ngjitesh tatëpjetë.

Pamjet japin një imazh rrëqethëse nga sakatosja e këtyre pyjeve. Deri më tani këto pyje mbesin të pambrojtura, jo vetëm nga komuna por edhe instancat më të larta të vendit siç është inspektorati i pyjeve. Në grumbujt  e drunjëve nëpër pjesë të ndryshme vendosen ndonjë shenjë dalluese, me letër apo me ndonjë shishe, gjë që tregon se fjala është për grupe të ndryshme që veprojnë këtë zonë. Nga ajo që është parë kërkohet menjëherë ndërhyrja e organeve kompetente për të ndalë dorën barbare që rendin pas fitimit material mbi këto zonë të komunës së Ferizajt të cilët pa mëshirshëm shkatërrojnë.

 

Leave a Reply

Your email address will not be published.