Mata: E merituam fitoren

Anësori i Manchester Unitedit, Juan Mata, është shprehur i lumtur për fitoren e klubit të tij ndaj Wolfsburgut në Ligën e Kampionëve.

Spanjolli ishte protagonist në këtë takim duke realizuar një gol dhe duke asistuar në golin e fitores të cilin e realizoi Chris Smalling.

Pas takimit, Mata ka thënë se ekipi i tij në pjesën e parë u mbrojt dhe nga kundërsulmet synonte golin.

“Jam i lumtur që shënova. Menaxheri ka krijuar listën se kush do të gjuajë penaltitë dhe unë isha i pari. Sa i përket takimit ne në pjesën e parë u mbrojtëm, por në të dytën luajtëm më mirë në sulm dhe shënuam”, ka thënë Mata pas ndeshjes.