Mjegull e madhe ditëve të ardhshme

Gjatë ditëve të ardhshme pritet që në shumë vende të Kosovës të ketë mjegull që do ta zvogëlojë dukshëm pamjen horizontale.

Sipas Institutit Hidrometeorologjik të Kosovës, mëngjeset do të jenë me ngrica të lehta, kurse gjatë ditës do të ngritën temperaturat, por në vendet me mjegull nuk do të ketë rritje të temperaturave.

Temperaturat minimale do të lëvizin ndërmjet 0 gradë deri -3 gradë Celsius, kurse maksimalet e ditës do të lëvizin ndërmjet 5-10 gradë Celsius.

Të premten do të ketë zhvillime të vranësirave, por që presioni atmosferik do të mbetet mbi vlerat e normales dhe nuk parashihet të ketë kushte për reshje.