Mjet shpërthyes në veturën e një ish-Polici në Prizren

Një mjet shpërthyes është gjetur në një veturë sot në qytetin e Prizrenit.

Pronari i veturës siç thotë zëdhënësi i policisë për rajonin e Prizrenit, Hazir Berisha e kishte dërguar veturën për servisim dhe kështu automekaniku kishte vërejtur mjetin e dyshimtë.

Berisha tha për Klan Kosovën se ekipet e policisë po merren me rastin dhe tash për tash nuk kanë të dhëna të tjera.

Klan Kosova merr vesh se pronari i kësaj veture në të kaluarën ka qenë pjesë e Policisë së Kosovës.

Ky person i takon komuniteti goran.