Mujota: Shumë projekte rrugore drejtë përfundimit

Ministri i Infrastrukturës (MI), Fehmi Mujota, priti në takim ambasadoren e Shteteve të Bashkuara të Amerikës (SHBA), në Prishtinë Tracey Ann Jakobson.

Në këtë takim u diskutua për punët dhe aktivitetet e Ministrisë së Infrastrukturës, sukseset dhe sfidat me të cilat përballet ky dikaster qeveritar, vizionin lidhur me zgjerimin dhe modernizimin e infrastrukturës në të ardhmen.

Ministri Fehmi Mujota, e ka njoftuar ambasadoren me punën e Ministrisë së Infrastrukturës, në përmbylljen e shumë projekteve rrugore, duke veçuar përmbylljen e shpejtë të punimeve në “Rrugën e Kombit” por edhe të projekteve të tjera të infrastrukturës rrugore në gjithë në vend.

Ndërsa, në anën tjetër, ambasadorja Jacobson e vlerësoi lartë punën e ministrit dhe Ministrisë së Infrastrukturës, si dhe inkurajoi ministrin për punën dhe angazhimet që po bëhen, në funksion të përmirësimit të infrastrukturës në gjithë territorin e Republikës së Kosovës.

Ajo tha se këto investime të cilat janë duke u realizuar në projektet rrugore janë në interes të të gjithë qytetarëve dhe të gjitha komuniteteve.

Bashkëbiseduesit u akorduan, që të vazhdoi bashkëpunimi edhe në të ardhmen, në funksion të thellimit të bashkëpunimit.