Mutu dënohet me burg sepse rrahu një shqiptar

Ish-futbollisti rumun i klubeve të njohura të Seria A, Adrian Mutu është dënuar me 14 muaj burg, pasi ka goditur me grusht një person në një diskotekë.

Personi i sulmuar është shqiptari Berat Racajt dhe ngjarja ka ndodhur në vitin 2010 në një diskotekë të Italisë, gjatë kohës sa luante në Fiorentina. “Lojtari është dënuar me 14 burg dhe do të paguajë 15 mijë euro për palën e dëmtuar”, shkruan Kurir.mk.

Shqiptari kishte kërkuar 40 mijë euro dëmshpërblim, por avokati i Mutu e ka ankimuar vendimin e gjykatës.