Ndërpritet seanca e Kuvendit, opozita kërkon tërheqjen e marrëveshjeve

Seanca e Kuvendit të Kosovës është shtyrë sërish për shkak të bllokim të opozitës që është duke i bërë punës së Kuvendit.

Kryetari i Kuvendit Kadri Veseli ka kërkuar 30 minuta pauzë për tu kthyer sërish. Ai iu ka kërkuar shefave të grupeve parlamentare të pozitës dhe opozitës që të mbajnë një takim në zyrën e Kuvendit, mirëpo opozita nuk ka pranuar.

“Unë kisha kërkuar një pauzë dhe të takohemi kryesia në zyrën e kryetarit të Kuvendit. Pauza është 30 minuta”, ka thënë Veseli.

Opozita paralizon punën e Kuvendit të Kosovës

Partitë opozitare, Vetëvendosje, AAK dhe NISMA, sërish kanë bllokuar punën e Kuvendit të Kosovës, duke mos e lejuar kryetarin e Kuvendit, Kadri Veseli, që të nis me rendin e ditës.

Opozita ka paralajmëruar se nuk do ta lejojw punwn e Kuvendit pa u tërhequr nënshkrimet nga kryeministri Isa Mustafa.