Pas liderëve opozitarë, Jahjaga takon Mustafën

Presidentja Atifete Jahjaga është duke zhvilluar një takim me kryeministrin e vendit Isa Mustafa.

Ky  takim i kreut të Qeverisë me të parën e vendit vjen pas atij që kjo e fundit pati sot me udhëheqësit e tri subjekteve politike opozitare, Visar Ymerin e Vetëvendosjes, Ramush Haradinaj nga AAK si dhe Fatmir Limajn e  Nismas për Kosovën.

Krerët e tri partive opozitare  kanë thënë pas takimit se nuk do të tërhiqen nga bllokada pa anulimin e marrëveshjeve të Asociacionit dhe asaj të Demarkacionit  si dhe lirimin e deputetëve nga burgu.