Pele godet Neymarin

Pele, legjenda e Brazilit, mendon se Neymar nuk mund të konsiderohet lojtar i madh pasi ka një numër mangësish.

Ylli i Barcelonës, Neymar nuk është futbollist i madh. Kështu mendon legjenda braziliane, Pele. Ky i fundit ka treguar edhe arsyet përse reprezentuesi i Brazilit nuk mund të konsiderohet i madh.

“Neymar është futbollist i mirë, por sa gola i ka shënuar me kokë në jetën e tij?. Ai është futbollist i shkëlqyeshëm, por Vasconcelos, bashkëlojtari im nga Santos, ishte dhjetë herë më i mirë se Neymar, pa dyshim”, ka deklaruar Pele.

“Neymar është sulmues, ai luan përpara, kjo është e tëra. Ai nuk kthehet mbrapa, nuk organizon dhe nuk shfaqet shumë duke luajtur”, ka theksuar legjenda braziliane.