Policia e Kosovës do të këtë përkrahjen e plotë të trupave të KFOR-it

Ministri i Punëve të Brendshme të Kosovës, Skender Hyseni priti sot komandantin e KFOR-it, z. Guglielmo Luigi Miglietta.

Në këtë takim, siç theksohet në komunikatën për medie, u diskutua lidhur me çështjen e sigurisë dhe zhvillimet e fundit në Republikën e Kosovës. Me këtë rast, ministri Hyseni vlerësoi punën e Policisë së Kosovës në realizimin e planit të saj operativ, përkundër vështirësive dhe sjelljes së protestuesve.

Ndërsa, komandant i KFOR-it, z. Miglietta e siguroi ministrin Hyseni se Policia e Kosovës do të këtë përkrahjen e plotë nga ana e trupave të KFOR-it, në kuadër të përgjegjësive që ka KFOR-i në Kosovë, në ruajtjen e rendit dhe ligjit.

Po ashtu, ai e përgëzoi punën e Policisë së Kosovës në ruajtjen e rendit dhe qetësisë për qytetarët e Republikës së Kosovës./zeri/