Agjencia e lajmeve Kosovanews kosovanews.info
Sonte rreth orës 20:40 në një nga pikat e Postës së Kosovës në rrugën “Ilir Konushevci” në Prishtinë, ka ndodhur një plaçkitje në vlerë rreth 200 euro.
Për KosovaPress, menaxheri regjional i Postës së Kosovës, regjioni i Prishtinës, Mentor Beqiri, tha se e gjitha ka ndodhur rreth orës 20:40 dhe se gjatë në plaçkitje ka qenë i përfshirë një person i maskuar dhe i pajisur me revole.
Beqiri tha se gjatë aktit nuk është lënduar askush, përveç një punëtoreje në sportel e cila është traumatizuar nga kanosja e personit të dyshuar derisa ai ka qenë gjatë kryerjes së aktit në këtë pikë të Postës së Kosovës.
“Personi ka qenë i maskuar dhe i armatosur dhe ka kërcënuar punëtoren me revole, e cila ka qenë në sportel në ato momente. Përpos traumave të punëtores, nuk ka lëndime të tjera në njerëz”, tha ai.
KosovaPress provoi që rastin ta konfirmojë edhe nga Policia e Kosovës, por kontakti në këto momente ishte i pamundshëm. /KosovaPress/
