Pranimi i Kosovës në UNESCO përfshihet në rend të ditës

Këshilli Ekzekutiv i UNESCO-s ka përfshirë sot në rend të ditës propozimin me rekomandim për pranimin e Kosovës anëtare të kësaj organizate, merr vesh Koha.net.

Në debatin pas miratimit të rendit të ditës, mospajtime rreth vendimit që pranimi i Kosovës në UNESCO të përfshihet në rend të ditës kanë shfaqur përfaqësuesit e Rusisë, të Kinës, të Kubës dhe të Argjentinës.

Për propozimin rreth pranimit të Kosovës në këtë organizatë mund të votohet rreth datës 20 tetor, para përfundimit të mbledhjes së Këshillit Ekzekutiv që do të zgjasë deri më 22 tetor.