Pranohet edhe Federata e Notit të Kosovës në FINA

Federata e Notit të Kosovës, ka marrë një lajm tejet të gëzueshëm sot pasi, Federata Ndërkombëtare e Notit, FINA, ka pranuar Kosovën, si anëtare të 208-të, të kësaj organizate bëhet e ditur në faqën zyrtare të FINA-së.
Vendimi, i marrë nga Byroja vendimmarrëse e FINA-s, do të thotë se notuesit e Kosovës do të jenë të pranueshëm të garojnë në Lojërat e sivjetme inauguruese Evropiane në Baku dhe do të provojnë të kualifikohen në Olimpiadën e vitit të ardhshëm në Rio de Janeiro.