Presidenca nuk e tregon përbërjen e delegacionit në New York (Video)

Presidenca e Kosovës kishte nxituar ta bëjë publik lajmin se delegacioni i cili do të kalonte Atlantikun për të marr pjesë në samitin e liderëve të ftuar në OKB nga presidenti i Shteteve të Bashkuara të Amerikës, Barack Obama do të kryesohej nga shefja e shtetit, Atifete Jahjaga.
Mirëpo, kur në Kosovë u bë e madhe çështja e numrit të madh të zyrtarëve që po qëndrojnë në New York, Presidenca ka zgjedhur të hesht rreth përbërjes së delegacionit.

Tri ditë ka pritur Gazeta Tribuna për të marr një përgjigje nga zyra për informim e këtij institucioni por zyrtarët e saj nuk kanë kurrfarë shpjegimi.

Përgjigje se kush është duke e shoqëruar ministrin e Jashtëm, Hashim Thaçin në SHBA, nuk ka dhënë as zëdhënësi i Ministrisë së Jashtme, Artan Behrami.