Prioritet i Tahirit për Hajvali, investimi në sport

Kandidati për kryetar të Prishtinës, Besnik Tahiri, ka takuar banorët e fshatit Hajvali, dhe u ka premtuar investime në infrastrukturë.

Tahiri ka thënë se Hajvalia ka një potencial tepër të mirë që mund të shfrytëzohet për ndërtimin e fushave të sporteve të ndryshme. Sipas tij, programi që ai synon është ndërtimi i stadionit futbollistik, terrenit të tenisit, volejbollit dhe basketbollit.

“Jemi në fshatin Hajvali i cili ka një potencial tepër të madh në bazë të vlerësimeve dhe analizave që ne i kemi bërë për 10 muaj. Një pjesë e zgjerimit të qytetit mundet me ndodh dhe duhet të ndodh rreth pallatit të drejtësisë, ku veç kanë filluar ndërtimet të institucioneve të Qeverisë së Kosovës. Ka hapësira tepër të mira ku mund të shfrytëzohen për ndërtimin e stadioneve, infrastrukturës rekreative për qytetarët e Prishtinës”, ka theksuar ndër të tjera, Tahiri. /KP