Protesta e 9 Janarit do të jetë veç fillimi!

Sekretari i NISMA-së, Bilall Sherifi, protestën e paralajmëruar për të shtunën me 9 janar e cilëson vetëm si fillim të asaj çfarë do të bëjë blloku opozitar i krijuar nga VV, AAK dhe NISMA, për kundërshtimin e marrëveshjeve si dhe për rrëzimin e Qeverisë.

Në një prononcim për Gazeta Blic, Sherifi ka vlerësuar se zgjedhjet e parakohëshme do të ndodhin hiq ma larg së në këtë vit, raporton gazetablic.com

“Pas Aktgjykimit të Gjykatës Kushtetuese Qeveria nuk ka më legjitimitet të udhëheqë  vendin, dhe aq më pak ta përfaqësojë vendin sërish në bisedimet me Serbinë. Prandaj, zgjedhjet e parakohshme nuk kanë alternativë”, ka thënë Sherifi.

Sipas Sekretarit të NISMA-së, zhvillimet dhe ngjarjet e këtij viti do të mbahen nën kontrollë vetëm nëse Qeveria nuk verpon ashtu sikur nuk ka ndodhur asgjë me vendimin e Gjykatës Kushtetuese për Asocacionin, ndryshe aij thotë se ky është një paralajmërim i keq për këtë vit.

“Se çka do të ndodhë në vitin 2016 mvaret nga veprimet e qeverisë. Nëse ajo këmbëngul që përkundër shpalljes jo kushtetuese të marrëveshjeve të vazhdojë sikur nuk ka ndodhë asgjë atëherë ky është një paralajmërim i keq për këtë vit. Vendi ka nevojë për rilegjitimimin e Qeverisë. Kjo do të ishte mënyra e kontrolluar e zhvillimit të ngjarjeve në vitin e ardhshëm. Rrugën tjera do të ishin të paparashikueshme”, ka thënë Bilall Sherifi.

Vlenë të kujtojmë se blloku i ri opozitar i krijuar nga tri partit opozitare, VV, AAK dhe NISMA para se të dal në protestën paralajmëruar si gjithëpopullore të shtunën me 9 janar ka bërë disa protesta apo siç i kanë quajtur ata vet “manifestime” nepër disa komuna të Kosovës gjatë muajit dhjetor të vitit të kaluar duke e kundërshtuar marrëveshjen për Asocaconin dhe për Demarkacionin me Malin e Zi po ashtu edhe duke kërkuar dorëheqjen e Qeverisë së udhëhequr nga Kryeministri Isa Mustafa dhe zv.Kryeministri Hashim Thaçi.