Agjencia e lajmeve Kosovanews kosovanews.info
Në prag të takimit me presidentin amerikan Barack Obama, presidenti rus Vladimir Putin i ka bërë të qartë homologut të tij amerikan se, nuk pajtohet me politikat e SHBA-ve në Lindjen e Mesme dhe për më tepër, i sheh ato si jo të ligjshme.
Presidenti rus, Vladimir Putin, mbështetjen e Shteteve të Bashkuara të Amerikës, për forcat rebele në Siri, e ka quajtur jo të ligjshme, duke treguar kështu qartë se, ai nuk e përkrahë politikën e presidentit Barack Obama, në Lindjen e Mesme, shkruan gazeta britanike The Express, njofton Klan Kosova.
SHBA-të kanë përkrahur grupet rebele kundër liderit sirian Bashar al-Assad me armë dhe trajnime.
Por, Putin, i cili bënë të kundërtën me SHBA-të, përkrahë Assadin në luftën e tij kundër rebelëve dhe Shtetit Islamik – ISIS, ka thënë sot se mbështetja e rebelëve është në kundërshtim me karakterin e Kombeve të Bashkuara.
Putin, duke kundërshtuar ndihme e SHBA-ve drejt rebelëve, tha se shumica e armëve që amerikanët u kanë dhënë forcave rebele, kanë përfunduar në duart e ISIS-it.
Në një intervistë për mediat amerikane, para se të takohet edhe me presidentin amerikan Obama nesër pasdite, Putin tha se: “në opinionin tim, mbështetja ushtarake e strukturave ilegale është kundër principeve të ligjit ndërkombëtarë modern dhe karakterit të OKB-së”.
Ky qëndrim i Putin tregon qartë se politikat e Rusisë dhe SHBA-ve janë krejtësisht të ndryshme, sa i përket pikëpamjeve të tyre për Lindjen e Mesme.