Qeveria me ekspertë për leximin e vendimit të Kushtetueses (Video)

Qeveria kërkon ekspert të interpretoj vendimin e Gjykatës Kushtetuese në lidhje me Asociacionin e Komunave me shumicë serbe dhe të hartoj statutin e këtij asociacioni.

Kjo vjen, pas vendimit të Gjykatës Kushtetuese, se marrëveshja për Asociacioni e Komunave me shumicë serbe, nuk është në pajtim të plotë më Kushtetutën e Republikës së Kosovës.

Bajram Gecaj, zëvendësministër i administrimit të pushtetit lokal, i ka thënë Tribuna Channel se për këtë çështje janë duke e themeluar një grup ekspertësh ligjorë.

Ftesës së kryeministrit në mënyrë publike për pjesëmarrje të opozitës në këtë grup, Gecaj tha se nuk kanë marrë një përgjigjeje pozitive.

Profesori i së drejtës kushtetuese Flamur Hyseni, thotë se interpretimi i vendimit të Gjykatës Kushtetuese do të thotë që grupi i eksperteve do të merret me përpilimin e statutit duke e mbështet saktë në kuptimin e aktgjykimit të Gjykatës Kushtetuese.