Raci: Do ta krijojë Agjencinë për zhvillimin e Pejës

Kandidati për kryetar të Pejës nga ADK, Gazmir Raci, u takua me Samir Lleshi, Drejtor i njësisë rajonale të Odes Ekonomike në Pejë.

Raci e njoftoi Lleshin për orientimet programore të ADK-së dhe të tij, ndërsa me theks të veçantë u ndal tek zhvillimi i ekonomisë lokale, infrastruktura, agrobiznesi, arsimi, shëndetësia, sektorin e shërbimeve dhe fuqizim ekonomik të gruas dhe të rinisë.

Temë diskutimi gjithashtu ishte edhe mundësia për të pasur bashkëpunim përmes një partneriteti strategjik me Odën Ekonomike, zyrën rajonale në Pejë e që do të ishte në dobi të zhvillimit, thithjes së investimeve nga jashtë, por edhe për mundësitë e marrjes së ekspertizës nga ana e ekspertëve që ofron Oda Ekonomike.

Raci gjithashtu foli edhe mungesën e një Agjencie për Zhvillim Komunal në Pejë. Ai premtoi se gjatë qeverisjes së ADK-së në komunën e Pejës përfundimisht komuna e Pejës do të ketë të themeluar dhe funksionalizuar Agjencinë për Zhvillim si një institucion i pavarur.