Rekord Qeveria || Isa Mustafa drejton kabinetin më të madh në rajon e Evropë, që na kushton miliona euro!

Kryeministri i vendit, Isa Mustafa mund të mburret gjatë qeverisjes një vjeçare të paktën për diçka. Edhe pse kabineti i drejtuar nga ai u kritikua shumë për mos punë e shumë dështime, ky kabinet qeveritar megjithatë është më i madhi në rajon dhe më gjerë.

Ndonëse lideri i LDK-së gjatë kohës sa ishte në fushatë elektorale, kritikonte qeverisjen Thaçi për numrin e madh të anëtarëve të kabinetit, ai sot udhëheq një qeveri e cila ka 3 zëvendëskryeministra dhe hiq më pak se 21 ministra, duke e tejkaluar për 3 ministri kabinetin e paraardhësit të tij, raporton Gazeta Blic.

Isa Mustafa mund të “mburret” edhe për numrin e madh të zëvendësministriave. Ndonëse askush nga Qeveria nuk ka dashur të pronocohet për numrin e tyre, konsiderohet se numri i tyre është mbi 50.

Hesht Qeveria

Gazeta Blic ka provuar që të kontaktoj me zëdhënësin e Qeverisë së Kosovës, Arban Abrashi që të marrë vesh se sa është numri i zëvendësministrave, mirëpo ky i fundit nuk ka kthyer përgjigje tash e një javë.

Në anën tjetër, burime të Gazetës Blic kanë thënë se Isa Mustafa për dallim nga Hashim Thaçi ka përdorur një strategji ndryshe për të fshehur numrin e madh të anëtarëve të kabinetit. “Derisa Hashim Thaçi zëvendësministrat i emëronte në një mbledhje të ekzekutivit dhe kjo gjë bëhej shumë e madhe në medie dhe në opionin, Isa Mustafa ka zgjedhur mënyrën tjetër, që nga 2-3 zëvendësministra t’i emëroj për mbledhje, në mënyrë që kjo çështje mos të bëhej shumë e madhe”, tha ky burim.

Ndonëse as ky burim nuk ka të dhëna të sakta të numrit të anëtarëve të kabinetit, ka theksyar se Kabineti qeveritar Mustafa është më i madh edhe se i Hashim Thaçit edhe sa i përket zëvendësministrave.

“As nëpër ueb faqet e ministrive të ndryshme, nuk janë publikuar saktë emrat e zëvendësministrave. Disa ministri nuk i kanë publikuar fare emrat e zëvendësministrave”, ka theksuar ky burim.

Ja sa anëtarë të kabinetit i kanë qeveritë e rajonit!

Ndërsa Kosova është vendi më i vogël në Evropë dhe në rajon, ajo lë shumë prapa qeveritë e këtyre vendeve sa i përket numri të anëtarëve në kanbinet.

Gjermania, që është shteti më i madh në Evropë, me rreth 100 milionë banorë dhe është ndër shtetet më me ndikim jo vetëm në Evropë, por në tërë globin i ka vetëm 14 ministri, apo shtatë më pak se kjo e Isa Mustafës, e cila qeverisë një popullsi prej vetëm 1 milionë e 700 mijë banorësh.

Qeveria e Isa Mustafës lë shumë prapa edhe Qeveritë e rajonit. Derisa qeveria e Kosovës ka 3 zëvendëskryeministra dhe 21 ministra, ajo e Malit të Zi i ka vetëm 16 ministri, ajo e Shqipërisë i ka 18 ministri e një zëvendëskryeministër dhe ajo e Maqedonisë i ka 19 ministri.

 

Analistët politikë: Kjo qeveri ka tre fish më shumë njerëz, se që i nevojiten

Edhe analistët politik, janë mjaft kritikë për këtë numër kaq të madh të kësaj qeverie.

Njohësi i çështjeve politike, Nexhmedin Spahiu në një prononcim dhënë Gazeta Blic është treguar kritik ndaj punës 1 vjeçare të Qeverisë Mustafa, duke thënë se janë bërë shumë hargjime e punë pak.

” Hargjime shumë, punë pak. Qeveria ka 3 fish më shumë ministra se sa i nevojiten Kosovës, ndersa zëvendësministrat nuk i duhen fare sepse nuk kryejnë asnjë rrol në qeveri”, ka thënë Spahiju

Kritik ndaj punës 1 vjeçare të po kësaj Qeverie, është treguar edhe analisti politik Fadil Lepaja, i cili vlerëson se është një numër i madh dhe i paduhur i zëvendësministrave brenda Qeverisë.

“Numri i ministrive  dhe zv ministrave padyshim është një e brishtë e këtij vendi. Sidomos ai i zëvendës-ministrave, por  ato si dukët janë rezultat i  koalicionit, i cili kishte nevojë të madhe me i rahatue një numër të madh të kuadrove “në dispozicion” dhe njëkohësisht për me krijue në çdo njësi një baraspeshe, përkatesisht kontrolle”, ka thënë Fadil Lepaja, raporton gazetablic.com

Isa Mustafa dhe njerëzit e LDK-së në vazhdimësi e kishin kritikuar Qeverinë e drejtuar nga PDK=ja për numrin e madh të anëtarëve të kabinetit. Madje, njëri prej njerëzve kryesor që ka ndikuar që të formohet koalicioni PDK-LDK, Lutfi Haziri në një debat televiziv, Qeverinë Thaçi 2 e kishte quajtur si qeveri kineze, duke ironizuar me numrin e madh të ministrave e zëvendësministrave që kishte ai kabinet qeveritar.

Në web faqen zyrtare të Qeverisë së Kosovës, figurojnë vetëm këta anëtarë të kabinetit qeveritar:

Kryeministër: Isa Mustafa

Zëvendëskryeministra: Hashim Thaçi, Kujtim Shala dhe Branimir Stojanoviq

Ministria e Punëve të Jashtme

Ministër: Hashim Thaçi

Zëvendësministër: Petrit Selimi

Ministria e Kulturës

Ministër:  Kujtim Shala

Zëvendësministra: Rexhep Hoti dhe Elfete Shabani

Ministria e Administratës Publike

Ministër: Mahir Jagxhillar

Zëvendësministra: Hydajet Hyseni,Mustafë Myrtaj

Ministria e Administrimit të Pushtetit Lokal

Ministër: Lubonir Mariq

Zëvendësministra: Bajram Gecaj dhe Gjergj Dedaj

Ministria e Arsimit, Shkencës dhe Teknologjisë

Ministër: Arsim Bajrami

Zëvendësministra:  Anila Statovci dhe Usmen Baldzi

Ministria e Diasporës

Ministër: Valon Murati

Zëvendësministër: Sahit Krasniqi

Ministria e Drejtësisë

Ministër: Hajredin Kuçi

Zëvendësministër: Lirak Çelaj

Ministria e Financave

Ministër: Avdullah Hoti

Zëvendësministra: Agim Krasniqi, Isni Kilaj dhe Biljana Popoviq

Ministria e Zhvillimit Ekonomik

Ministër: Blerand Stavileci

Zëvendësministër: Besa Zogu- Gashi

Ministria e Integrimit Evropian

Ministër: Bekim Çollaku

Zëvendësministër: Ramadan Iljazi

Ministria e Forcës së Sigurisë së Kosovës

Ministër: Haki Demolli

Zëvendësministra: Fadil Haxhi Gashi dhe Muhamet Latifi

Ministria e kthimit dhe e komuniteteve

Ministër: Dalibor Jevtiq

Zëvendësministra: Qaush Balaj dhe Jollxhi Shala

Ministria e Mjedisit dhe e Planifikimit Hapësinor

Ministër: Ferid Agani

Zëvendësministër: Ferat Shala

Ministria e Punës dhe e Mirëqenies Sociale

Ministër: Arban Abrashi

Zëvendësministër: Rita Hajzeraj

Ministri pa Portofol

Ministër: Edita Tahiri

Ministri pa Portofol

Ministër: Rasim Demiri

Ministria e Bujqësisëm, Pylltarisë dhe Zhvillimit Rural

Ministër: Memli Krasniqi

Zëvendësministër: Vezir Januzi

Ministria e Punëve të Brendshme

Ministër: Skender Hyseni

Zëvendësministër: Valdet Hoxha

Ministria e Shëndetësisë

Ministër: Imet Rrahmani

Zëvendësministra: Izet Sadiku dhe Kadir Hyseini

Ministria e Tregtisë dhe Industrisë

Ministër: Hykmete Bajrami

Zëvendësministër: —

Ministria e Infrastrukturës

Ministër: Lutfi Zharku

Zëvendësministra: Hanefi Muharrëmi e Fehmi Mujota