Rektorati ditë pushimi për SOT , protestuesit qëndrojnë në hyrje

Rektori tha se në këtë drejtim nuk ka se çka bëhet më, dhe studentët veç sa po humbin kohë aty. Ai iu tha se bllokada nuk është rruga e zgjidhjes së problemeve.

Duke parë studentët që kanë zënë hyrjen, rektori Zejnullahu veç sa debatoi pak me ta dhe u kthye prapa.

Zejnullahu tha se nuk mund të kërkohet të rritet numri i studentëve, sepse konkursi dhe të gjitha procedurat tashmë kanë përfunduar dhe më nuk do të mirret me këtë punë.

Megjithatë, kandidatët për studentë që e kaluan natën pranë dyerve të ndërtesës së rektoratit, nuk e kanë ndërmend të ndalen.

Para orës shtatë të mëngjesit, kandidatët që po protestojnë pranë rektoratit, u pozicionuan para derës ndërtesës së rektoratit dhe nuk lejonin asnjë punonjës të këtij institucioni që të hyjë brenda.

Derisa qëndruan tërë natën jashtë, Lyra Namani tha se nuk u kontaktuan nga askush që do të pyeste për gjendjen e tyre.

Me gjithë motin e ftohtë, kandidatët për studentë thanë se nuk do të lëshojnë dyert e rektoratit derisa kërkesat e tyre të gjejnë zbatim. Aty iu bashkuan edhe disa prej prindërve.

Zajmi, që është babai i Invës, njëra nga kandidatet, tha se po presin realizmin e kërkesave të fëmijëve të tyre. Ai tha se Ministria e Arsimin duhet të jap urdhër për zbatimin e vendimit që e ka lëshuar.

Vendimi i MAShT’it, që u ishte marrë në korrik të këtij viti, është që numri i studentëve në Farmaci dhe Stomatologji të Fakultetit të Mjekësisë të jetë aq sa ishte vitin e kaluar. Por, rektori Zejnullahu vendosi që Stomatologjia të ketë 50 studentë e Farmacia 40. Kështu mbetën 30 kandidatë për studentë jashtë regjistrimit, e që tani thonë se do të protestojnë derisa të iu njihet e drejta për regjistrim.