Rinia dhe gratë e PDK-së, përkrahin Thaçin për president (Foto)

Sot me kërkesën e kryesisë Qendrore, është mbajtur takim i strukturave drejtuese të Rinisë Demokratike të PDK-së, të udhëhequr nga kryetarja, Shpresa Rama dhe zëvendëskryetari Andin Hoti. Në këtë takim kanë marrë pjesë edhe zëvendëskryetari i PDK-së, Kadri Veseli, nënkryetari Hajredin Kuçi, me ç’ rast u diskutua për situatën dhe temat tjera me rëndësi për vendin.

Gjatë diskutimit, të rinjtë i dhanë përkrahje të plotë përkushtimit dhe punës që po bëjnë liderët e PDK-së në institucionet qendrore dhe mbështetën fuqishëm kandidaturën e kryetarit Hashim Thaçi për president të vendit.

Gjatë ditës në selinë e PDK kanë pasur takime mes Gruas Demokratike dhe zëvendëskryetarit, Kadri Veseli.

Në takimin ku u diskutua për zhvillimet e fundit në vend, Gruaja Demokratike i dha mbështetje të plotë qëndrimeve të PDK-së, si dhe shprehu gatishmërinë për aktivitete më të gjera në teren dhe përkushtimin e saj për të treguar se rruga e vetme e forcimit të sovranitetit, zhvillimit ekonomik dhe fuqizimit të shtetit tonë është respektimi i institucioneve legjitime.