Rinia kosovare dhe puna vullnetare

Sot, me datë 21 shtator, përfaqësues të Kuvendit të të Rinjve të Kosovës morën pjesë në një debat të organizuar nga Vizioni Rinor i Partisë së Drejtësisë në Kuvendin e Republikës së Kosovës. Debati i thirrur kishte qëllimin që të diskutohet rreth punës vullnetare të të rinjve kosovar, prandaj edhe u emra me temën “Rinia Kosovare dhe Puna Vullnetare”. Në këtë takim, përveç organizuesve nga Vizioni Rinor, morën pjesë edhe përfaqësues nga forumet rinore të subjekteve politike, sikur ajo e AAK-së dhe PDK-së.

Ndër tjerash, në këtë takim u paraqit problemi kyq rreth mungesës së një ligji të mirëpërpunuar për njohjen e punës vullnetare. Prandaj, të gjithë panelistët dhe mysafirët u pajtuan që të bëhen organizime të reja të përbashkëta, pa dallime partiake apo struktura të tjera organizative, por që së bashku të lobojnë në miratimin e ligjit që njeh punën vullnetare. Kështu, për këtë qëllim dhe tjetër, synohet të organizohen forma të ndryshme të aktiviteteve me datën 5 dhjetor, ditë kjo ndërkombëtare e Vullnetarizimit. Dhe të gjitha këto organizime, me këtë datë, duke shpresuar, se do të realizohen në bashkpunim nga të gjithë të rinjtë kosovar e më gjerë. Mënyrë kjo që të kanalizohet qëllimi i rinisë kosovare dhe që sa më shpejtë të arrihet deri tek miratimi i ligjit që njeh punën vullnetare nga deputetët në Kuvendin e Republikës së Kosovës.

Në këtë takim, Kuvendi i të Rinjve të Kosovës u përfaqësua nga Sekretari Enis Reçica, Kreytari i Komisionit për Arsim, Kultur, Rini dhe Sport Armend Ahmeti, Deputeti Argjend Softolli dhe Deputeti Leonor Berisha.