Ronaldo i pakënaqur me Benitezin

Kristiano Ronaldo është i pakënaqur me punën e trajnerit të Real Madridit, Rafael Benitez.

Madje, ai beson se skuadra nuk do ta fitojë asnjë titull të rëndësishëm nën drejtimin e tij.

Sipas të përditshmes spanjolle “El Confidencial”, reprezentuesi portugez është ankuar tek presidenti i “Los Blancos”, Florentino Perez për punën e deritashme të Benitezit, i cili u emërua në postin e trajnerit gjatë verës, pas shkarkimit të Carlo Ancelottit.

Pikërisht pakënaqësia e Ronaldos ndaj punës së Benitezit, besohet të jetë arsyeja që ka zgjuar spekulime rreth mundësisë së largimit të tij nga Santiago Bernabeu, pas përfundimit të këtij sezoni.