Agjencia e lajmeve Kosovanews kosovanews.info
Të paktën 10 persona raportohen të vdekur në qytetin e Lahores në Pakistan, pasi një fabrikë që ishte në ndërtim e sipër është rrënuar.
Autoritetet i kanë thënë “The Express Tribune” se zëra të ndryshëm njerëzish dëgjohen nën rrënoja.
Fabrika ishte në ndërtim e sipër, dhe punimet tashmë kishin arritur deri në katin e tretë, gjersa dy katet e mëposhtme ishin funksionale.
Fabrika që prodhonte qanta të ndryshme ndodhej në Qendrën Industriale “Sundar” në periferi të qytetit.
Ndërkaq, e përditshmja vendase “The Dawn” raporton se disa punonjës të mitur gjendeshin në vendpunim, edhe pse ky informacion mbetet i pambështetur në fakte.