Agjencia e lajmeve Kosovanews kosovanews.info
Suedia dhe Finlanda kanë bërë bashkë njësi të caktuara të forcave të tyre të armatosura.
Kjo lëvizje është menduar për t’i bërë ballë rrezikut rus.
Finlanda ndodhet në kufi me Rusinë, ndërsa Suedia ka konstatuar së fundmi një seri ndërhyrjesh ushtarake ruse në territorin e saj.
Marrëveshja e arritur parashikon reagimin e përbashkët të trupave ushtarake në kohë krizash në Arktik dhe rrethina.
Sipas agjencisë së lajmeve “Defence News”, task forca e përbashkët do të përbëhet nga trupa të stërvitura për të luftuar në kushte klimatike ekstreme. Gjithashtu, ajo do të kryejë patrullime detare dhe stërvitje të vazhdueshme.
“Dy vendet do të ndajnë me njëra-tjetrën infrastrukturën ushtarake dhe do të mund të transferojnë njësitë e tyre ushtarake në anijet e njëra-tjetrës”, raporton burimi mediatik.