Salihaj nuk do ta votojë Thaçin për president

Deputeti i LDK-së, Adem Salihaj, ka thënë se nuk do ta votojë liderin e PDK-së, Hashim Thaçi, për president të Kosovës.

“Nuk do ta votoj për president se nuk i sjell të mira vendit, vetëm të këqija”.

I pyetur  nëse deputetët e tjerë të LDK-së do ta votojnë, Salihaj tha se, “Nuk mund të flas për të tjerët, por vetëm për veti. Por besoj që edhe tjerët mendojnë si unë”.

Lidhur me demokracinë në vendin tonë, Salihaj tha se janë hapat e parë të saj.

“Demokracia është vullneti i shumicës, e vullnetin e shumicës e lypin vetëm gjatë zgjedhjeve”, tha ai.

“Demokracia në LDK ka qenë për t’u marrë shembull nga i gjithë rajoni, por sot nuk mund të krenohemi me të. Duhet të punojmë më shumë”, tha Salihaj.

Ndërsa, në pyetjen se a ka ndryshuar Kosova, Salihaj tha se “Kosova nuk ka ndryshuar, por vetëm iu është bërë e mundur njerëzve të flasin pak më troç”.