Shoqëria civile proteston para Kuvendit: Jo seancë, por dialog politik!

Pjesëtarë të shoqërisë civile në Kosovë, janë mbledhur sot në sheshin Zahir Pajaziti, për një marsh simbolik deri te Kuvendi i Kosovës, për të protestuar kundër dhunës që partitë opozitare po shfaqin në organin përfaqësues të vendit.

Jo shpesh ndodhë që shoqëria civile të mblidhet për të protestuar kundër veprimeve të opozitës.

Kjo po ngjan sot në Prishtinë, ku pjesëtarë të shoqërisë civile, i janë përgjigjur ftesës së disa organizatave joqeveritare, për një marsh simbolik kundër dhunës në Kuvend.