“Shqiponjat” e Pejës fluturojnë në manifestimin e opozitës më 28 nëntor

Grupi i tifozëve pejanë “Shqiponjat” do të marrin pjesë në manifestimin e opozitës me 28 nëntor në Prishtinë.
Udhëheqësi i grupit të tifozëve “Shqiponjat”, Bernard Merdita, konfirmoi për KALLXO.com se do të marrin pjesë në manifestimin e paralajmëruar nga opozita.
“Po Shqiponjat do të jenë në Prishtinë me datën 28 nëntor”, tha Merdita.

Ai ka shtuar se ende janë duke diskutuar rreth mënyrës së organizimit për nisjen drejt Prishtinës nga Peja, më datën 28 nëntor.
Siç tha ai, shumë shpejt në faqen e tyre zyrtare në Facebook do të bëhet e ditur rreth mënyrës së nisjes së tifozëve.
Më herët, edhe grupi i tifozëve “Plisat” ka bërë të ditur se do të marrin pjesë në manifestimin e 28 nëntorit.