Sot përurohet terminali i ri i Aeroportit të Prishtinës

Aeroportit Ndërkombëtar të Prishtinës “Adem Jashari” nga sot do të bëhet me terminal të ri. Me ftesë të Kryeministrit Thaçi, në një ceremoni solemne do të marrin pjesë edhe kryeministri i Turqisë, Recep Tayyip Erdoğan, kryeministri i Shqipërisë, Edi Rama si dhe personalitete tjera vendore dhe ndërkombëtare. Aeroporti i ishte dhënë me koncesion konsorcumit turko-francez “Limak Aeroport de Lyon”, në vitin 2010, për periudhën 20 vjeçare. Terminali ka një sipërfaqe prej 42 mijë metrash katrorë ndërkaq kostoja e investimeve është rreth 130 milionë euro.

Sipas marrëveshjes me Partneritetin Publiko Privat ky terminal ishte paraparë të ndërtohet 27000 metra katrorë përderisa Limak pothuajse ka dyfishuar këtë hapësirë duke e zgjeruar atë në 42.000 metra katrorë përfshirë këtu edhe urat ndërlidhësë për udhëtarë nga 3 në 4,  pohoi z.Kokturk.

Ajo që është pjesa më mbresëlënëse e terminalit është përmendorja e Adem Jasharit në hyrje të terminalit. Pas ndërtimit të terminalit, aeroporti do të përpiqet të ketë edhe transport publik, që do të ketë orar të caktuar për transportimin e pasagjerëve prej aeroportit në kryeqytet dhe anasjelltas.

Sipas zyrtarëve menaxhues të aeroportit, vlera e investimeve në këtë terminal arrin shifrën rreth 130 milionë euro.

Erdogan do të vizitojë dhe qytetin e Prizrenit ku do të shoqërohet nga kryeministri i Kosovës Hashim Thaçi dhe ai i Shqipërisë Edi Rama. Kryeministri turk do të udhëtojë së bashku me bashkëshorten e tij, e cila do të ketë një agjendë të veçantë që do të përqendrohet në vizita në institucione të ndryshme shoqërore dhe kulturore.

Kryeministri i Republikës së Turqisë, Recep Tayyip Erdogan do të takohet edhe me kryetarin e Kuvendit të Republikës së Kosovës, Jakup Krasniqi.