Spahiu: Kadri Veseli, njeriu më i pushtetshëm në politikën kosovare

Sipas analistit politik dhe publicistit Nexhmedin Spahiut, politikani më i fuqishëm në skenën politike në Kosovë, është kryeparlamentari i Kosovës, Kadri Veseli.

Ai kështu ka deklaruar në Info Magazine në Klan Kosova, ku ishte mysafir bashkë me politikologun Behlul Beqaj, për të diskutuar rreth krizës së fundit politike në Kosovë.

“Kadri Veseli është njeriu me influencën më të madhe politike në Kosovë. Madje influenca e tij është më e madhe se e Hashim Thaçit”, ka pohuar Spahiu.