Supersfida Barça-Milan

Liga e Kampionëve do të vazhdojë sonte me ndeshjet e radhës të xhiros së katërt të fazës së grupeve.

Padyshim se përballja ndërmjet Barcelonës dhe Milanit, takim ky që luhet në kuadër të Grupit H, si dhe dueli në mes Borussia Dortmund dhe Arsenalit në Grupin F, janë dy superndeshjet që priten me padurim nga adhuruesit e shumtë të futbollit.

Barcelona që i prin Grupit H me shtatë pikë, llogaritët favorit në duel me “Rossonerët”, këta të fundit pikërisht në këtë sfidë do të kërkojnë të këndellën pas humbjes dëshpëruese në fundjavën që lamë pas kundër Fiorentinës.

Gjithsesi, se ndeshje e fortë pritet të luhet edhe në mes Dortmundit dhe Arsenalit në Grupin F. Në këtë grup është duke u zhvilluar garë e ashpër për dy pozitat e parë, ku po luftojnë Dortmundi, Arsenal dhe Napoli, që kanë nga gjashtë pikë, andaj në këtë grup gjithçka është e hapur.