Agjencia e lajmeve Kosovanews kosovanews.info
Sot, kandidati i AAK-së për kryetar të Prishtinës Besnik Tahiri, paraqiti planin e detajuar për tregun e gjelbër dhe lagjen për rreth. Në prezantim të planit për tregun e gjelbër kandidati Tahiri theksoi shumica e këtyre njerëzve që bëjnë tregti në këtë hapësirë këtë punë e kanë bukë për familjet e tyre, ndërkaq dora e ndihmesës institucioneve për këta njerëz nuk është parë asnjëherë.
Kandidati Tahiri sigurojë këta tregtarë se me qeverisjen e tij Komuna do të angazhohet në zbatimin e politikave direkte për nxitjen e punësimit dhe reduktimin e papunësisë përmes ngritjes së një sistemi komunal të koordinimit mbi tregun e punës, nevojat dhe kërkesat e bizneseve dhe ofrimin e infrastrukturës përcjellëse.
Ndërtimi i tregut të mbyllur dhe lokaleve afariste – rritja e hapësirës për treg, kushte për tregtim të produkteve 12 muaj ne vit duke ndërtuar kështu qendër tregtare qe përfshinë tregun e mbyllur dhe hapësirën për afarizëm.
Plani i detajuar për tregun e gjelbër përfshinë transformimin e tregut duke përfshirë bllokun e banimit që e rrethon. Transformimi i tregut nga një hapësirë ekzistuese me mungese të kushteve elementare për ofrimin e produkteve për blerësit potencial do të bëhet duke ndërtuar një objekt të ri në hapësirën ekzistuese të tregut ku ofrohen kushte me të favorshme dhe hapësirë komode për tregtimin e produkteve (transformimi nga hapësirë ekzistuese e cila ekspozohet ndryshimeve te motit, pluhurit dhe papastërtive në një objekt te mbyllur me kushte të veçanta të klimatizimit, dhe ajrosjes. Kjo ndikon direkt në rritjen e profitit të tregtareve të vegjël duke marrë parasysh mundësinë e tregtimit te mallrave gjatë tërë vitit.
Ndërtimi i qendrës së tregut dhe lokaleve afariste implikon ofrimin e kushteve që bllokut urban ti ofrohet transformimi nga banim i ulët në banim të lartë, ku përveç rritjes së hapësirës për banim, krijohet edhe hapësirë e mjaftueshme për parqe, parking të veturave dhe hapësirës rekreative për banorët në kuadër të blloqeve banesore, gjithashtu 2-3 kate nëntokësore do të ndërtohen për parking të veturave.
Me realizimin e transformimit të këtij blloku urban, nga banim i ulët në banim të lartë gjithashtu krijohet hapësirë komode për një park të vogël dhe hapësirë për Xhaminë e cila është e ndërtuar në këtë bllok urban
Plani i detajuar për tregun e gjelbër përfshinë, infrastrukturën për ekspozim të produkteve, parkingjet për klient, objektet për tregtim e mbi të gjitha transformimin e kësaj hapësire nga treg i hapur në hapësira me lokale afariste me qëllim që të ofrohen kushte për punë gjatë tërë vitit.
Për këtë qëllim në qeverisjen time Komuna do të punojë ngushtë me komunitetin e biznesit, që ndihmojnë zhvillimin e qytetit. Sot Komuna nuk bën asgjë për punësimin. Por sot Komuna jo vetëm që nuk po ndihmon, por ajo po pengon. Prishtina nuk është qyteti i lehtësive dhe mundësive në biznes, nuk ka nevojë të jesh ekonomist për të kuptuar këtë theksoi Tahiri. Ndërkaq objektivi im është: Prishtina, vendi i duhur për te bërë biznes, duke ofruar gjithë infrastrukturën dhe mekanizmat komunal në shërbim të këtyre tregtarëve.
Unë angazhohem që nëpërmjet thjeshtëzimit të procedurave administrative, ndërtimit të parqeve industriale, përdorimit të formave të ndryshme të partneritetit publik-privat për zhvillimin ekonomik.
Aleanca për Prishtinën ka hartuar strategjinë e zhvillimit të vazhdueshëm dhe rritjes ekonomike, duke mobilizuar të gjitha potencialet në të mirën e përgjithshme të qytetarëve, qëllimi parësor i kësaj strategjie është të luftohet varfëria dhe papunësia, të zgjerohet e fuqizohet sektori privat, të nxitet konkurrenca dhe të stimulohet prodhimi vendas.