Tentoi të vrasë fqinjin, kapet pas 5 orësh ndjekjeje në pyll

Një 46-vjeçar u arrestua sot nga blutë e Lezhës pas 5 orë ndjekjeje në pyll.

Ded Zhuri i cili kishte marrë kallashnikovin pa leje për të vrarë bashkëfshatarin e tij me inicialet M.Gj., për një konflikt të hershëm pronësie mes tyre, u ndalua në kohë.

Policia mori informacione në rrugë operative, dhe menjëherë u angazhua në terren ku pikasën Zhurin të armatosur. Ai hodhi armën dhe u arratis në pyll, për t’u kapur pas 5 orëve.