Thaçi: Dhuna në Kuvend e papranueshme, Demarkacioni duhet të ratifikohet sot

Presidenti i vendit, Hashim Thaçi tha sot se dhuna në Kuvend është e patolerueshme dhe pamje e tmerrshme për Kosovën në botë.
Thaçi në një postim në rrjetin social Facebook shkruan se Demarkacioni duhet të kalojë sot.
Lexoni të plotë postimin e Thaçit:
‘Dhuna në Kuvend është e patolerueshme dhe pamje e tmerrshme për Kosovën në botë. I ftoj deputetët që të vazhdojnë me punën e tyre, pavarësisht taktikave të rrezikshme të kundërshtarëve të liberalizimit të vizave. Demarkacioni duhet të kaloj sot. Kjo është ajo që presin qytetarët e vendit, pa dallim partie apo etnie. Votimi i demarkacionit nënkupton lëvizje të lirë për të gjithë qytetarët e Kosovës. Mjaft i kemi humbur tre vjet me kauza të rrejshme, që po e mbajnë Kosovën dhe qytetarët të izoluar. Tani është momenti i së vërtetës dhe i veprimit. Vendimi i deputetëve pro ratifikimit të marrëveshjes është vullneti i qytetarëve që duan t’i përqafojnë vlerat evropiane. Mos lejoni që të sfidoheni nga askush, sidomos jo nga ata që duan ta mbajnë Kosovën larg vlerave evropiane dhe të izoluar”.