Agjencia e lajmeve Kosovanews kosovanews.info
Zëvendëskryeministri i Kosovës dhe ministri i Punëve të Jashtme Hashim Thaçi ka folur në një intervistë për Klan Kosovën për ngjarjet e fundit në Kuvendin e Kosovës dhe bllokimin e seancave plenare e sulmeve që janë bërë nga ana e partive opozitare.
Thaçi duke mbajtur në duar një shishe qelqi ka thënë se në Kuvend janë hedhur edhe me të tilla shishe dhe kjo është vdekjeprurëse sipas tij.
“Kjo nuk është lënduese, është vdekjeprurëse. Në një formë kjo është armë e ftohtë”.
“Le ta vlerësojnë vetë qytetarët deri në çfarë niveli kanë shkuar ata njerëz që kanë hedhur me shishe qelqi”.
Më pas zëvendëskryeministri Thaçi ka marrë në duar një gur të madh duke thënë se në Parlament nuk ka pasur të tillë por policët janë ballafaquar me hedhje të këtyre gurëve dhe sipas tij kjo është edhe lënduese edhe vdekjeprurëse.
Këtë deklaratë dhe intervistën e zgjeruar të Hashim Thaçit ndiqeni sonte në Zona B në Klan Kosova me fillim nga ora 21:00.