Thaçi përmirëson gabimin (FOTO)

Zëvendëskryeministri dhe Ministri i Punëve të Jashtme, Hashim Thaçi, kishte postuar një album me fotografi nga takimet e tij të sotme në Paris.

Në secilën foto kishte shkruar nga një shpjegim përkatës, por më interesanti është ai i pamjes së fundit, ku ai – apo stafi i tij – ka(në) bërë një gabim të vogël, i cili flet shumë simbolikisht, transmeton Klan Kosova.

“Tërë dita ka kaluar në telefonata, ndërsa në Prishtinë edhe Presidentja Jahjaga dhe Kryeministri Thaçikanë kontaktuar shumë liderë shtetesh”, kishte shkruar Thaçi.

Mirëpo, më pas zëvendësministri Thaçi e ka përmirësuar gabimin, e e ka vendosur emrin e Isa Mustafës si kryeministër i Kosovës në vend të emrit të tij.