Tjetër kërcenim për Rektorin nga Studentët për afate të jashtëligjshme!

Pos disa të rinjve që po protestojnë para hyrjes së rektoratit të UP-së, duke pretenduar se u është bërë e padrejtë duke mbetur jashtë këtij universiteti, tash një grup tjetër i studentëve po bëjnë thirrje për protestë gjithëstudentore, në kërkim të realizimit të kërkesave të tyre. Njëri nga këta studentë, i cili është edhe pjesë e Këshillit të Studentëve, Argjend Softolli ka kërkuar nga kolegët e tij që më 6 tetor të protestojnë deri në realizimin e kërkesave të tyre, për afate shtesë të provimeve, kërkesë kjo që bie ndesh me statutin e UP-së.

Lexoni të plotë lajmërimin e tij:

Të nderuar kolegë studentë duke parë që kërkesat tona nuk po diskutohen nga organet kompetente dhe nuk po merren parasysh, atëhere e vetmja formë dhe mundësi që të përmbyllen dhe të realizohën njëhere e mirë këto kërkesa mbetën protestat gjithëstudentore të shoqëruara me bllokada të të gjitha njësive akademike, deri në realizimin e këtyre kërkesave . Ne gjithashtu duam të sqarojm edhe për opinionin publik që kërkesat tona nuk kanë për qëllim uljen e cilësis në UP, përkundrazi ne insistojm që edhe ne si studentë të kontribojmë në ngritjen e cilësis dhe të mos prodhoj UP-ja vetëm sasi të studentëve, mirpo që cilësia të jetë parësore. Ne gjithashtu ftojm të gjithë organizatat studentore, Parlamentin Studentor, dhe të gjithë ata që e duan të mirën e Universitetit të Prishtinës, të bashkohen drejt një qëllimi të vetëm REALIZIMIT TË KËRKESAVE TONA. Kështu që ju ftojm që me datën 6 tetor ora 12:00 tek Qendra Studentore të bashkohemi të gjithë drejt një qëllimi.

Çdo kushë që ka kerkesa tjera është pro perqarjes studentore.

‪#‎përstudentët