TMERRUESE|| 25 gabime në biografinë e Muharrem Svarqës (përfshirë edhe në emër), në faqen zyrtare të Komunës së Ferizajt |FOTO|

Biografinë ose profilin me të dhëna personale, e posedojnë të gjithë kryetarët e komunave të Kosovës. Profilin e secilit kryetar, mund ta gjeni në faqen zyrtare të komunës përkatëse.
Mirëpo, të dhënat e Kryetarit të Komunës së Ferizajt, Muharrem Svarqa, nuk janë ashtu siç do të duhej të ishin. Kjo pasi që, në biografinë e tij zyrtare, gjenden rreth 25 gabime drejtshkrimore, në vetëm 195 fjalë ose 20 rreshta, të regjistruar nga word-i, (duke numëruar kryerreshtat, të cilët janë mjaft të shpeshtë).

   

Përveç kësaj, Kryetari në fjalë, siç duket nuk e ka sqaruar asnjëherë emrin dhe mbiemrin e tij. Kjo, për të vetmen arsye, pasi që edhe në profilin e tij zyrtar, në faqe të Komunës, emri  i është shënuar “Muharem Sfarqa”. Do të thotë, emri i tij figuron me “r” në rrokjen e tretë, e jo me “rr”, siç e ka në profilin e tij zyrtar, në facebook.