U nda nga i dashuri, studentja hidhet nga kati i 11-të i pallatit

Një vajzë 20 vjeçare, studente në Fakultetin Ekonomik në Tiranë, është hedhur  mbrëmë nga shkallët e brendshme të katit të 11-të të një pallati, duke i dhënë fund jetës.

Ngjarja ka ndodhur mbrëmë rreth orës 21.00. Studentja mësohet se quhej Klea Shyti dhe ishte banuese në qytetin e Fierit.

Sipas hetimeve paraprake, Shyti sapo ishte ndarë nga i dashuri dhe mendohet se ky ka qenë edhe shkaku për kryerjen e aktit ekstrem.

Ngjarja thuhet se ka ndodhur në një pallat pranë parkut të autobusëve  dhe vajza është hedhur nga shkallët e brendshme, duke përfunduar në sheshpushimin e godinës, duke gjetur vdekjen e menjëhershme.