UEFA s’i lejon Ferronikelin e Prishtinën të dalin në Evropë

Federata e Futbollit e Kosovës (FFK) është në pritje të vendimit zyrtar për lejimin ose jo të skuadrave kosovare për të marrë pjesë në gara evropiane.
Edhe Ferronikeli si kampion dhe Prishtina si fituese e Kupës po presin vendimin zyrtar, shkruan sot Koha Ditore.
Por, zyrtarë të Ferronikelit thonë se të mërkurën pasdite kanë marrë njoftimin nga UEFA se nuk kanë plotësuar dy nga pesë kriteret bazë të UEFA-s dhe se për këtë nuk do t’u lëshohet licenca për gara në Ligën e Kampionëve.
Ndërkohë në klubin Prishtina pranojnë se situata nuk është e mirë, por shtojnë se zyrtare nuk ka asgjë.