Van Gaal i pakënaqur me lojtarët

Menaxheri i Manchester Unitedit, Louis van Gaal është shprehur i zhgënjyer me performancën e lojtarëve të tij ndaj Wolfsburgut, por është arsyetuar se ata ishin të lodhur shkaku i orarit të ndeshjeve.

“Ishte e vështirë sepse ata shënuan herët. Pastaj ne luajtëm mirë dhe krijuam shumë raste. Ne krijuam aq shumë raste sa Wayne Rooney dhe Memphis Depay kanë mundur të shënojnë dhe ta përfundojnë ndeshjen”, ka thënë Van Gaal, raporton Koha.net.

“Ne shënuam dhe pas kësaj vuajtëm. Shumë lojtarë ishin të lodhur, një kombinim i shumë ndeshjeve, por ne nuk u dorëzuam. Sa raste humbëm? Ndoshta një. Ne duhej ta mbanim më shumë topin në pjesën e dytë”.