Wallstrom: Kriza e refugjatëve mund të dërgojë Suedinë drejt ‘kolapsit’

Ministrja e Jashtme suedeze, Margot Wallstrom ka deklaruar se nëse BE-ja nuk e ndihmon Suedinë, atëherë vendi mund të shkojë drejt ‘kolapsit’.

“Suedia nuk ka kapacitet të mbajë një numër të madh refugjatësh. Nëse fluksi i refugjatëve drejt Suedisë vazhdon me të njejtin ritëm, atëhere sistemi ynë do shembet. Më duhet të pranoj, se deklaratat e fundit të vendeve të BE-së kanë qenë të habitshme dhe shumë dekurajuese,” tha ajo për gazetën Dagens Nyheter, transmeton Gazeta Blic.

Deri me tani, Suedia dhe Gjermania kanë qenë destinacioni i parë për refugjatët nga Lindja e Mesme.
Ndërkaq, edhe kryeministri suedez, Stefan Lofven ka deklaruar se ‘fluksi i refugjatëve në Suedi është duke e kaluar kufirin’.

Wallstrom gjithashtu ishte kritike ndaj anëtarëve të krahut të djathtë, Partisë Demokratike në Suedi, të cilët sipas saj janë përgjegjës ‘për frikën e mbjellur te populli suedez’.
Ajo ka shtuar se sulmet kundër refugjatëve ishin të ngjajshme me ato të vitit 1990, kur Suedia kishte pranuar refugjatë nga ish-Jugosllavia.