Zbogar tregon pse për kosovarët mund të mos ketë liberalizim as më 2016

Përfaqësuesi Special i BE-së në Kosovë, Samuel Zbogar nuk është i sigurt nëse kosovarët do të udhëtojnë pa viza në Evropë as gjatë vitit 2016.

E për këtë e ka dhënë edhe një arsye.

“Unë nuk mund ta them këtë dhe do e shpjegoj pse. Sepse kjo nuk varet nga Komisioni, varet edhe nga vendet anëtare por do t’ua them atë që mundem dhe atë që besoj se do të ndodh. Besoj se nëse Kosova angazhohet për zbatimin e tetë prioriteteve të mbetura në fillim të vitit 2016 Komisioneri ka thënë se është i gatshëm të vijë në Prishtinë që të vlerësojë se a janë kryer këto dhe më pastaj ta bëjë një propozim”, tha Zbogar për televizionin publik.